LENI – Lenjeh, Elek, Nakal, Ireng !


Agi mandan ora kepenak ngawak kie, dadi pikirane melu ora nggenah-nggenah. Ndadakan kie kemutan kanca-kanca jaman cilik sing nek tek deleng-deleng siki yang mandan patut wong nek sing wadon, nek sing lanang lah tambah ora petha wujud raine, pating krawed pisan. Beda nek kanca wadon anu wis pinter pareman dadi nek di deleng ya mandan patut, sanajan siji loro malah tambah ora patus.

Mbien yah sing jenengane dolan bareng kue ibarate kucing karo condol sesusuhan metu kabeh. Ora lanang ora wadon, kadang rukun kadang gruang. Esuk-esuk mangkat dolan rukun ya ngko bali-bali ana sing tukaran. Nhaaa biasane ngko pada moni-moni sing ora petha meng sing nakal. Biasane nek sing bocah wadone sing nakal, ora peduli rupane kaya ngapa njur diarane “LENI”.

“LENI” kue singkatan Lenjeh, Elek, Nakal, Ireng. Lenjeh kue carane ya kemayu, Elek ya rupane sing elek, ora ayu babar pisan. Nakal ya polaeh sing ora nyenenengi karo seneng gawe kancane gela. Ireng ya warna kulite sing ireng ndetheng kaya silit panci.

Dadi nek bocah sing LENI bisa dibayangna kaya ngapa. Wis elek tapi lenjeh, trus nakal sisan. Bar kue kulite ireng. Pokoke anu nyebeli pisan lah. Nhaa kue nggo madani bocah sing nakal men kawus. Soale ngko seanane bocah sing agi dolalan njur nyuraki bocah sing nakal kue “LENI… LENI…. huuuu LENI”…. ora let sue bocah sing nakal kue njur nangis ngorong-ngorong mlayu bali. Biasane wadul karo ramane apa biyunge.

Jane si mandan ora patut, tapi ya kaya kue lah separah-paraeh tukaran jamanku cilik. Jarang banget sing ngasih gelut temenan kaya bocah cilik siki.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s